لبیک اللهم لبیک! حج کا رکن اعظم وقوف عرفہ آج ادا کیا جائے گا

لبیک اللهم لبیک! حج کا رکن اعظم وقوف عرفہ آج ادا کیا جائے گا۔

عازمین نے رات منیٰ میں قیام کیا اورعبادت میں مصروف رہے، نماز فجر کے بعد عازمین میدان عرفات روانہ ہوگئے ہیں، 10لاکھ سے زائد عازمین آج حج اکبر کی سعادت حاصل کریں گے، خطبہ حج پاکستانی وقت کے مطابق ایک بجکر 40 منٹ پر دیا جائے گا
ڈاکٹر محمد بن عبدالکریم العیسیٰ آج 9 ذوالحجہ کو عرفات کی مسجد النمرۃ میں حج کا خطبہ دیں گے۔

اذان مغرب سے قبل میدان عرفات سے مزدلفہ روانہ ہوجائیں گے، مزدلفہ میں عازمین حج مغرب اور عشا کی نمازیں ایک ساتھ ادا کریں گے، عازمین مزدلفہ میں رات قیام اور رمی کے لیے کنکریاں جمع کریں گے، عازمین نماز فجر کے بعد رمی بڑے شیطان کو کنکریاں مارنے جمرات جائیں گے
عازمین رمی کے بعد قربانی کریں گے اور پھر حلق کروا کے احرام اتاریں گے۔