آئی ایم ایف کی شرط پر بجٹ میں پنشنرز پر 7.5 فیصد ٹیکس عائد کرنے کا فیصلہ

پاکستان تحریک انصاف کی حکومت نے نئے مالی سال کے بجٹ میں بڑے فیصلوں کی تیاری کر لی، آئی ایم ایف کی شرط مانتے ہوئے پنشنرز پر ٹیکس لگانے کا فیصلہ کر لیا گیا۔

انٹرنیشنل مانیٹری فنڈ (آئی ایم ایف) اور عالمی بینک کے ساتھ آئندہ مالی سال کے وفاقی بجٹ کے بارے میں مشاورت حتمی مرحلے میں داخل ہوگئی، ذرائع کا کہنا ہے کہ آئندہ بجٹ میں حکومت نے پنشنرز پر ٹیکس لگانے سمیت بڑے فیصلوں کی تیاری کرلی، آئی ایم ایف کی تجویزپرتمام پینشنرز پرساڑھے 7 فیصد ٹیکس عائد کئے جانے کا امکان ہے۔

وفاقی حکومت پینشز کو 250 ارب روپے کی ادائیگی کی جاتی ہے، گریجیوٹی پر بھی ٹیکس عائد کرنے پر غور کیا جارہا ہے۔ مجوزہ پلان میں وفاقی حکومت جنرل پرویڈنٹ فنڈ کے منافع پر بھی ٹیکس عائد کرنے کا سوچ رہی ہے، حکومت کو پینشن فنڈز پر 7.5 فیصد ٹیکس عائد کرنے سے 18 ارب روپے کا ٹیکس اکٹھا ہونے کا تخمینہ ہے۔