وفاقی حکومت نوازشریف کو برطانیہ سے ڈی پورٹ کرانے کیلئے متحرک

وفاقی حکومت نوازشریف کو برطانیہ سے ڈی پورٹ کرانے کے لیے متحرک ‏ہوگئی، مشیر احتساب شہزاد اکبرکا کہنا ہے کہ برطانیہ ایگزیکٹو آرڈرسے نوازشریف کو ڈی پورٹ کرسکتا ہے۔

وفاقی وزیراطلاعات ونشریات فواد چودھری، وزیرمملکت اطلاعات فرخ حبیب ‏اورمشیرداخلہ و احتساب شہزاد اکبر سے اسلام آباد ہائی کورٹ جرنلسٹ ‏ایسوسی ایشن کے وفد نے ملاقات کی، فواد چودھری نے کہا کہ شہبازشریف کا ‏مقدمہ روزانہ کی بنیاد پرچلایا جائے، شہبازشریف جیل میں روزانہ 6،6 ‏ڈاکٹرز اور 72،72 ٹیسٹ کرواتے تھے،، جیل سے نکلنے کے بعد انہیں ‏کمردردہوا اورنہ چیک اپ کی ضرورت پڑی۔

وفاقی وزیر برائے اطلاعات و نشریات کا مزید کہنا تھا کہ نوازشریف، آصف زرداری ‏سے کیسز کے التوا کا طریقہ سیکھ رہے ہیں،، آصف زرداری کی طرح مریم ‏نوازبھی التوا کے راستے پرچل نکلی ہیں،، ہمارا گلہ ہے شہبازشریف کی ‏جانب سے دیے گئے عشائیہ میں مریم نوازکونہیں بلایا گیا۔

اس موقع پر شہزاد اکبر کا کہنا تھا کہ برطانیہ نے ہمیں نوازشریف کی حوالگی کی ‏درخواست دینے کا کہا، ہم نے کہا نوازشریف سزا یافتہ ہیں،، آپ پہلے یہ ‏دیکھیں آپ کا قانون سزایافتہ شخص کووزٹ پرقیام کی اجازت دیتا ہے یا ‏نہیں۔حوالگی کی درخواست طویل عمل ہے اسے بعد میں دیکھیں گے۔ شہزاد ‏اکبرکا کہنا تھا کہ برطانیہ کو یہ بھی بتایا ہے کہ نوازشریف وہاں کوئی علاج ‏نہیں کروا رہے، برطانیہ معاملہ خود دیکھ کرقانون کے مطابق فیصلہ کریں۔