گوادر : آرمی کی بم ڈسپوزل سکواڈ پر حملہ، 2اہل کار جاں بحق

بلوچستان کے ساحلی شہر گوادر میں نامعلوم مسلح افراد نے پاکستان کی فوج کی بم ڈسپوزل ٹیم پر حملہ کیا جس میں دو اہل کار جاں بحق اور چار اہل کار زخمی ہو گئے۔

گوادر کے ڈپٹی کمشنر اورنگزیب بادینی نے حملے کی تصدیق کی۔ انہوں نے کہا کہ حملے میں دو اہل کاروں کی موت ہوئی ہے جب کہ متعدد زخمی ہوئے ہیں۔

ان کے مطابق زخمی اہل کاروں کو طبی امداد کے لیے جی ڈے اے اسپتال منتقل کیا گیا جن میں سے ایک زخمی کی حالت تشویش ناک بتائی جا رہی ہے۔

رواں ماہ کے دوران بلوچستان کے ساحلی علاقے گوادر میں سیکیورٹی فورسز پر یہ اس نوعیت کا دوسرا حملہ ہے۔

دس دن قبل 21 مارچ کو گوادر کے پورٹ کمپلیکس پر عسکریت پسندوں نے حملہ کیا تھا اس دوران سات حملہ آوروں سمیت آٹھ افراد ہلاک جب کہ دو زخمی ہوئے تھے۔

مزید خبروں کیلئے وزٹ کریں