ہرنائی : کوئلے کی کان میں دھماکا، 8 مزدور جاں بحق

ہرنائی کے علاقے زردآلو کے مقامی کوئلہ کان سے مزید 4 مزدوروں کی لاشیں نکال لی گئیں جس کے بعد جاں بحق کانکنوں کی تعداد 8ہوگئی۔

پی ڈی ایم اے کوئٹہ کے مطابق کوئلہ کان میں پھنسے مزید 4مزدوروں کو ریکسیو کرنے کے لیے آپریشن جاری ہے جبکہ پھنسے کانکنوں کو نکالنے کے لیے جانے والے 8 کانکنوں کو پہلے ہی بحفاظت ریسکیو کرلیا گیا ہے۔

گزشتہ رات گئے ہرنائی کے علاقے زردآلو کے مقامی کوئلہ کان میں گیس بھر جانے کے باعث دھماکا ہوا جس کے باعث کان میں کام کرنے والے مزدور پھنس گئے جنہیں نکالنے کے لیے پی ڈی ایم اے، ضلعی انتظامیہ، ایف سی اور محکمہ مائنز کا ریسکیو آپریشن جاری ہے۔

وزیراعلیٰ بلوچستان سرفراز بگٹی نے واقعے کا نوٹس لیتے ہوئے رپورٹ طلب کرلی اور ساتھ ہی ریسکیو آپریشن تیز کرنے کی ہدایت بھی کر دی ہیں۔

مزید خبروں کیلئے وزٹ کریں