ہاکی لیجنڈ اولمپیئن منظور حسین جونیئر دل کا دورہ پڑنے سے انتقال کرگئے

پاکستان کے ہاکی لیجنڈ اولمپیئن منظور حسین جونیئر دل کا دورہ پڑنے سے انتقال کرگئے۔

آرمی چیف جنرل قمر جاوید باجوہ نے ہاکی کے لیجنڈ کھلاڑی اولمپئین منظور جونئیر کی وفات پر دکھ اور افسوس کا اظہار کیا ہے۔
ڈی جی آئی ایس پی آر میجر جنرل بابر افتخار نے اپنے ٹویٹر پیغام میں کہا کہ آرمی چیف نے ہاکی کے لیجنڈ کھلاڑی اور اپنے ذاتی دوست اولمپئین منظور جونئیر کی افسوسناک وفات پر دکھا کا اظہار کرتے ہوئے اللہ پاک سے دعا کی ہے کہ مرحوم کو اپنے جوار رحمت میں جگہ دے اور ان کے لواحقین کو اس ناقابل تلافی نقصان کو جھیلنے کی ہمت دے۔

General Qamar Javed Bajwa, COAS is deeply grieved on the sad demise of hockey legend and a personal friend Olympian Manzoor Hussain, Junior. “May Allah bless his soul & give strength to the bereaved family to bear this irreparable loss, Ameen.” COAS.

— DG ISPR (@OfficialDGISPR) August 29, 2022

ہاکی لیجنڈ اولمپیئن منظور حسین جونیئر کو دل کا دورہ پڑنے کے باعث لاہور کے مقامی اسپتال میں منتقل کیاگیا تھا۔ پی ایچ ایف کے مطابق منظور حسین جونیئر کو 2 اسٹنٹ ڈالے گئے تھے لیکن وہ جانبر نہ ہوسکے۔
وزیراعلیٰ پنجاب پرویز الہٰی نے ہاکی لیجنڈ اولمپئن منظور حسین جونیئر کے انتقال پر اظہار افسوس کیا ہے۔ وزیر اعلیٰ نے سوگواران کے لیے صبر کی دعا کی ہے۔
اولمپیئن منظور حسین جونیئر نے1984 کے لاس اینجلس اولمپکس میں گول میڈل حاصل کیا تھا۔ منظور جونیئر 1978 اور 1982 کے ہاکی ورلڈ کپ جیتنے والی قومی ہاکی ٹیم کا بھی حصہ رہے۔ 1982 کے ورلڈ کپ فائنل میں انہوں نے6 جرمن ڈیفنڈر کو ڈاج کرکے گول اسکور کرکے شاندار کارکردگی کا مظاہرہ کیا۔ ہاکی کے مداح انہیں 1982 ورلڈ کپ کے فائنل کا ہیرو قرار دیتے ہیں۔