عمران خان لازمی بلٹ پروف جیکٹ پہنیں، نقل و حرکت خفیہ رکھی جائے،راولپنڈی پولیس
کسی عوامی مقام پر عمران خان گاڑی سے باہر نہ نکلیں،روایت کے برعکس عمران خان کی نقل و حرکت کو خفیہ رکھا جائے،وی آئی پی کی گاڑی کی پارکنگ الگ اور مخصوص ہوگی،سٹیج پر شرکاء کی فہرست پہلے سے انتظامیہ کو فراہم کی جائے، فہرست کے علاؤہ کوئی بھی سٹیج پر نہیں جا سکے گا۔ عمران خان کسی مقام پر عوام سے ملاقات نہیں کریں گے،تمام شرکاء مجوزہ مقام سے مکمل چیکنگ کے بعد ہی داخل ہو سکیں گے،ڈرون کیمرہ کے استعمال یا آتش بازی پر مکمل پابندی ہوگی، راولپنڈی پولیس کا پی ٹی آئی کو مراسلہ
راولپنڈی میں جلسے سے قبل پولیس نے پی ٹی آئی قیادت کو تحریری طور پر سکیورٹی ہدایات سے آگاہ کردیا۔
پنجاب پولیس کی جانب سے جاری اہم مراسلے میں وی آئی پی سیکورٹی کیلئے ہدایات پر عملدرآمد کو یقینی بنانے کی ہدایت کی گئی ہے۔ہدایات تحریری طور پر ڈپٹی سپیکر پنجاب اسمبلی واثق قیوم کو دی گئی ہیں۔
مراسلے میں کہا گیا کہ بلٹ پروف روسٹرم اور سٹیج لازمی ہونا چاہئے، عمران خان بلٹ پروف جیکٹ بھی لازماً استعمال کریں، کسی عوامی مقام پر عمران خان گاڑی سے باہر نہ نکلیں، روایت کے برعکس عمران خان کی نقل و حرکت کو خفیہ رکھا جائے۔
مراسلے میں کہا گیا کہ مجوزہ گاڑی یا پیدل روٹ کے علاوہ راستہ استعمال نہ کیا جائے۔ وی آئی پی سیکورٹی افسر اور قانون نافذ کرنے والے اداروں سے رابطہ میں رہ کر نقل و حرکت کریں، وی آئی پی کی گاڑی کی پارکنگ الگ اور مخصوص ہوگی،سٹیج پر شرکاء کی فہرست پہلے سے انتظامیہ کو فراہم کی جائے، فہرست کے علاؤہ کوئی بھی سٹیج پر نہیں جا سکے گا۔
مراسلے میں کہا گیا کہ سٹیج پر نقل و حرکت محدود رکھی جائے، جلسہ گاہ میں کوئی مسلح پرائیویٹ گارڈ یا گن مین نہیں ہوگا، عمران خان کسی مقام پر عوام سے ملاقات نہیں کریں گے، تمام شرکاء مجوزہ مقام سے مکمل چیکنگ کے بعد ہی داخل ہو سکیں گے، ڈرون کیمرہ کے استعمال یا آتش بازی پر مکمل پابندی ہو گی،خواتین کیلئے الگ اور مناسب جگہ مختص کی جائے،کارکنوں کو کسی عمارت کی چھت پر چڑھنے کی اجازت نہیں ہوگی۔
Comments are closed.