خیبر پختونخوا اسمبلی آزاد امیدواروں نے میدان مار لیا

خیبر پختونخوا کی 112 نشستوں کے عبوری نتائج آ چکے ہیں جب کہ ایک نشست پی پی 104 کا نتیجہ آنا باقی ہیں۔

الیکشن کمیشن کی جانب سے جاری کردہ عبوری نتائج کے مطابق آزاد امیدوار 90 نشستوں پر کامیابی کے ساتھ سب سے آگے ہیں۔ بیشتر آزاد امیدواروں کا تعلق پاکستان تحریکِ انصاف سے ہے۔

خیبر پختونخوا اسمبلی میں جمعیت علمائے اسلام پاکستان سات نشستوں کے ساتھ دوسرے نمبر پر ہے جب کہ مسلم لیگ ن پانچ، پیپلز پارٹی چار، جماعتِ اسلامی تین، تحریکِ انصاف پارلیمنٹرین دو اور عوامی نیشنل پارٹی نے ایک نشست حاصل کی ہے۔

خیبر پختونخوا کی دو نشستوں پر امیدواروں کے انتقال کی وجہ سے الیکشن کمیشن نے انتخابات ملتوی کر دیے تھے۔

مزید خبروں کیلئے وزٹ کریں