فیلڈ مارشل سے ایرانی سکیورٹی چیف کی ملاقات، دوطرفہ تعاون اور علاقائی سکیورٹی پر بات چیت

فیلڈ مارشل سید عاصم منیر سے ایران کی سپریم نیشنل سکیورٹی کونسل کے سیکرٹری علی لاریجانی نے ملاقات کی جس میں پاک ایران تعلقات، دوطرفہ تعاون اور خطے کی سکیورٹی صورتحال پر تفصیلی گفتگو ہوئی۔

پاک ایران تعلقات مضبوط بنانے پر اتفاق

آئی ایس پی آر کے مطابق ملاقات میں پاکستان اور ایران کے درمیان تعلقات کو مزید مضبوط کرنے پر زور دیا گیا۔ دونوں رہنماؤں نے خطے میں بدلتی صورتحال اور مشترکہ سکیورٹی چیلنجز کے تناظر میں قریبی رابطوں کی اہمیت پر اتفاق کیا۔

 مضبوط تعاون کی ضرورت

فیلڈ مارشل عاصم منیر نے علاقائی امن و استحکام کے لیے پاکستان کے عزم کا اعادہ کرتے ہوئے کہا کہ دہشت گردی کے خاتمے کے لیے ایران کے ساتھ قریبی تعاون ناگزیر ہے۔انہوں نے بدلتی جیو اسٹریٹجک صورتحال کے پیش نظر اسٹریٹجک تعاون کی بڑھتی اہمیت پر بھی زور دیا۔

 کردار کا اعتراف

ایرانی سکیورٹی کونسل کے سیکرٹری علی لاریجانی نے خطے میں امن کے لیے پاکستان کے کلیدی اور ذمہ دارانہ کردار کو سراہا۔
انہوں نے پاک ایران مکالمے، شراکت داری اور باہمی تعاون کو علاقائی چیلنجز سے نمٹنے اور دیرپا استحکام کے لیے ضروری قرار دیا۔