آرمی چیف جنرل قمر جاوید باجوہ موسم سرما میں ‘کے ٹو’ سر کرنے والے نیپالی کوہ پیماؤں کی ملاقات

پاک فوج کے شعبہ تعلقات عامہ (آئی ایس پی آر) کے مطابق کوہ پیماؤں کے گروپ نے آرمی چیف سے جنرل ہیڈکوارٹرز (جی ایچ کیو) میں ملاقات کی۔آرمی چیف نے موسم سرما میں پہلی بار ‘کے ٹو’ سر کرنے والے کوہ پیماؤں کو ان کی شاندار کامیابی اور کوہ پیمائی میں تاریخ رقم کرنے پر مبارک باد دی۔

کوہ پیماؤں نے آرمی چیف سے مہم کے دوران اپنے تجربات شیئر کیے اور پاکستان اور اس کے عوام کی جانب سے بہترین مہمان نوازی پر شکریہ ادا کیا۔وفد نے ریکارڈ قائم کرنے کے لیے مہم میں سہولت فرہم کرنے پر بھی اظہار تشکر کیا۔

واضع رہے کہ 16 جنوری کو نیپالی کوہ پیماؤں کی ٹیم نے دنیا کی دوسری بلند ترین چوٹی ‘کے ٹو’ کو موسم سرما میں سر کر کے نیا ریکارڈ قائم کردیا تھا۔
نیپالی کوہ پیماؤں کی 10 رکنی ٹیم نے 31 دسمبر 2020 سے اپنے مہم جوئی کا آغاز کیا تھا اور 16 جنوری 2021 کو دن کے وقت دنیا کی دوسری بلند ترین چوٹی سر کرنے کا اعلان کیا گیا۔