ایف سی بلوچستان کاآپریشن، دو اہم کمانڈروں سمیت چھ دہشتگرد ہلاک

 راولپنڈی :ایف سی بلوچستان ساوتھ نے خاران میں مصدقہ خفیہ معلومات پر آپریشن کیا۔ آپریشن میں دو اہم کمانڈروں سمیت چھ دہشتگرد ہلاک کردئیے گئے۔دہشتگردوں کے ٹھکانے سے بھاری مقدار میں اسلحہ اوربارود بھی برآمد کیاگیا۔

آئی ایس پی آر کے مطابق آپریشن دہشت گردوں کی موجودگی پر کیا گیا، ایف سی جوانوں کے محاصرے پر دہشت گردوں نے فائرنگ کی اور اپنے ٹھکانے سے فرار ہونے کی کوشش کی ۔ فائرنگ کے تبادلے میں ہلاک ہونے والے چھ دہشتگردوں میں کمانڈرگل میر عرف پلن اور کلیم اللہ بولانی بھی شامل ہیں۔