ملالہ یوسفزئی کا شادی سے متعلق بیان، پاکستانی عوام آگ بگولہ

 اسلام آباد:نوبیل انعام یافتہ پاکستانی ملالہ یوسفزئی کا شادی سے متعلق دیا گیا ٹوئٹر پر ٹاپ ٹرینڈ بن گیا ، عوام کی جانب سے ملالہ کے اس بیان پر سخت تنقید کی جارہی ہے۔

فیشن میگزین ووگ کی ویب سائٹ پر ملالہ یوسفزئی کا انٹرویو نشر ہواجس میں انہوں نے شادی سے متعلق اپنے خیالات کا اظہار کیا تھا۔ ووگ میگزین کے مطابق ملالہ یوسفزئی نے کہا تھا ’’مجھے اب بھی سمجھ نہیں آتا کہ لوگ شادی کیوں کرتے ہیں۔ اگر آپ اپنی زندگی میں کسی شخص کا ساتھ چاہتے ہیں تو آپ کو شادی کے کاغذات  پر دستخط کرنے کی کیا ضرورت ہے۔ کیا یہ ساتھ صرف پارٹنرشپ پر مشتمل نہیں ہوسکتا؟‘‘

ملالہ یوسفزئی کے اس بیان پر لوگوں میں شدید غم و غصہ پایا جارہا ہے اور لوگ تمام سوشل میڈیا نیٹ ورکس پر اس بیان سے متعلق اپنی رائے دے رہے ہیں جس کی وجہ سے ٹوئٹر پرملالہ یو سفزئی ٹاپ ٹرینڈ بنی ہوئی ہیں۔