وزیرِ اعظم عمران خان سے ناز شاہ و دیگر پاکستانی نژاد برطانوی پارلیمنٹیرینز کی ملاقات

وزیراعظم ہاوس اسلان آباد میں وزیرِ اعظم عمران خان سے پاکستانی نژاد برطانیہ کے ممبرانِ پارلیمنٹ نے ملاقات کی۔وفد نے وزیرِ اعظم کو اسلام و فوبیا پر آواز بلند کرنے اور ریاستِ مدینہ کی طرز پر پہلی دفعہ معاشی و سماجی طور پر پس ماندہ طبقات کیلئے سماجی تحفظ و تخفیفِ غربت کے اقدامات اٹھانے پر خراجِ تحسین پیش کیا۔۔آزاد کشمیر میں نو منتخب حکومت کے عوامی فلاح کیلئے اٹھائے گئے اقدامات کی بھی تعریف کی۔ملاقات میں موجودہ حکومت کے مختلف اقدامات، عوام دوست پالیسیوں اور مسئلہ کشمیر کو اجاگر کرنے کے حوالے سے اقدامات پر بات چیت ہوئی

وزیراعظم عمران خان کا کہنا تھا کہ نظام حکومت کے حوالے سے ہمارا ماڈل ریاست مدینہ ہے۔فلاحی ریاست اور قانون کی بالادستی ریاستِ مدنیہ کے سنہری اصول تھے۔حکومت ملک میں انصاف و قانون کی بالادستی مکمل طور پر قائم کرنے کے لئے اقدامات اٹھا رہی ہے

انھوں نے کہاکہ معاشرے کی ترقی کےلئے ضروری ہے کہ معاشرے کے ہر طبقے کی ترقی پر توجہ دی جائے۔