پاکستان میں کورونا کی نئی اقسام رپورٹ،ایئرٹریول پالیسی پرعملدرآمد کمیٹی تشکیل

وزارت نیشنل ہیلتھ سروسز نے ملک میں افریقی اور برازیلی کورونا وائرس کی اقسام رپورٹ ہونے کی تصدیق کی ہے، جس کے بعد این سی او سی نے بیرون ممالک سے آنے والےمسافروں کے حوالے سے ائرٹریول پالیسی پرعملدآمد کیلئے گیارہ رکنی کمیٹی قائم کر دی۔

وزارت قومی صحت کے حکام کا کہنا ہے کہ ‏نیشنل انسٹیٹیوٹ آف ہیلتھ میں کئےگئےٹیسٹ میں کورونا وائرس کی نئی اقسام پائی گئیں، افریقی اور برازیلی کورونا کی کنٹیکٹ ٹریسنگ شروع کردی، ‏40 سال اوراس سےزائدعمرکےافراد ویکسین لگوائیں، حکام کاکہنا ہے کہ وزارت قومی صحت کا کہنا ہے کہ وائرس کی جوبھی قسم ہو،ایس اوپیزپرعمل میں تحفظ ہے، ماسک پہننایقینی بنائیں، گھر سے بلاضرورت باہر مت نکلیں۔ ‏‏سماجی فیصلے کو عمل طور پر یقینی بنائیں۔

سندھ کی وزیر صحت عذرا فضل پیچوہو نےبھی تصدیق کی ہے کہ آغا خان یونیورسٹی کراچی میں لیے گئے نمونوں میں نئی اقسام کے کورونا وائرس کی نشاندہی ہوئی ہے۔  برطانوی قسم تیزی سے پھیلتی ہے۔جنوبی افریقا اور برازیلی اقسام کےوائرس سے اموات کی شرح بہت زیادہ ہے۔ ویکسین کرانے کے باوجود وائرس کی یہ قسم شہریوں کو  لگ سکتی ہے۔

نئی اقسام کے کورونا وائرس کی روک تھام کے لئے فلائٹ آپریشن محدود کرنے کے حوالے سے ائرٹریول پالیسی پرعملدآمد کیلئے این سی او سی نے 11رکنی مینجمنٹ کمیٹی تشکیل دے دی ہے، کمیٹی بیرون ملک سے آنیوالے مسافروں سے متعلق پالیسی پرعملدآمد یقینی بنانے کی پابند ہوگی۔ معاون خصوصی ڈاکٹرفیصل کمیٹی کے سربراہ، بریگیڈیر احتشام الحق ڈائریکٹر آپریشن ہوںگے۔

چیف ہیلتھ ایگزیکٹیو ڈاکٹرشائستہ، این ڈی ایم اے کے بریگیڈیئراعجاز اور وزارت صحت سے ڈاکٹر بشرا، ڈائریکٹر ائرٹریفک ائیرکموڈور عرفان صابر، جوائنٹ سیکرٹری ایویشن شہزاد کمیٹی میں شامل ہوں گے، ضلعی انتظامیہ،ضلعی محکمہ صحت اور تمام ائرپورٹس مینیجر بھی کمیٹی کا حصہ ہوں گے۔ وزارت صحت ہیلتھ پروٹوکول، اے ایس ایف اور ایف آئی اے انتظامی معاملات دیکھنے کی پابند ہو گی، سی ایچ ای ائیرپورٹ پر ٹیسٹنگ این ڈی ایم اے انتظامات کرنے کے مجاز ہونگے۔