26 نومبر احتجاج کیس: عدالت نے علیمہ خان کو ضمانت پر جانے کی اجازت دے دی

انسداد دہشت گردی عدالت راولپنڈی نے 26 نومبر احتجاج کیس میں بانی پی ٹی آئی عمران خان کی ہمشیرہ علیمہ خان کو جانے کی اجازت دے دی۔ قبل ازیں عدالت نے انہیں عارضی عدالتی تحویل میں لینے کا حکم دیا تھا۔

 وکیل کی غیر موجودگی

سماعت کے آغاز پر علیمہ خان نے مؤقف اختیار کیا کہ ان کے وکیل سپریم کورٹ میں مصروف ہیں، لہٰذا انہیں جانے کی اجازت دی جائے۔پراسیکیوٹر ظہیر شاہ نے اعتراض اٹھاتے ہوئے کہا کہ کریمنل پروسیجر کوڈ کی سیکشن 351 کے تحت ملزمہ عدالتی تحویل میں تصور ہوتی ہیں۔

عدالتی احاطے سے نکلنے پر دوبارہ تحویل میں

علیمہ خان جب عدالت سے باہر نکلیں تو خواتین پولیس اہلکاروں نے انہیں دوبارہ تحویل میں لے کر عدالت کے اندر پہنچا دیا۔جج نے واضح کیا کہ ملزمہ عدالتی احاطے سے باہر نہیں جا سکتیں۔ اس دوران ان کے وکیل فیصل ملک بھی عدالت پہنچ گئے۔

 کرتے ہوئے اجازت دے دی

بعدازاں عدالت نے علیمہ خان کو جانے کی اجازت دے دی اور ان کے جمع کرائے گئے 10،10 لاکھ روپے کے دو مچلکے منظور کر لیے۔مقدمے میں تاخیری حربے اپنانے پر عدالت نے آٹھ گواہوں کو 10،10 ہزار روپے جرمانہ بھی کیا۔

مزید سماعت

وکلا کی استدعا پر مقدمے کی مزید سماعت یکم دسمبر تک ملتوی کر دی گئی۔

واضح رہے کہ علیمہ خان نے ضمانت کے حکم کی تعمیل میں گزشتہ سماعت پر دو مچلکے جمع کرائے تھے، جب کہ عدالت اس کیس میں متعدد بار ان کے وارنٹ گرفتاری بھی جاری کر چکی ہے۔