لوگ پارٹی چھوڑ نہیں رہے، زبردستی چھڑوائی جا رہی ہے، عمران خان

اسلام آباد : سابق وزیراعظم عمران خان نے کہا ہے کہ لوگ پارٹی چھوڑ نہیں رہے، زبردستی چھڑوائی جا رہی ہے۔

اسلام آباد کی انسداد دہشتگردی عدالت میں پیشی کے موقع پر صحافی نے سوال کیا کہ آپ کی جماعت میں سے مسرت چیمہ اور جمشید چیمہ پارٹی چھور کر جا رہے ہیں، جس پر عمران خان نے کہا کہ یہ پارٹی چھوڑ کر نہیں جا رہے، ان سے زبردستی پارٹی چھڑوائی جا رہی ہے۔

سابق وزیراعظم کا کہنا تھا کہ اس طرح کبھی پارٹیاں ختم نہیں ہوتیں، پارٹی اس طرح ختم ہوتی ہے جیسے پی ڈی ایم ختم ہو رہی ہے۔

ایک سوال کے جواب میں عمران خان نے کہا کہ مجھے اپنی پارٹی کی خواتین کی گرفتاری کا سب سے زیادہ دکھ ہے۔