پشاور:سکیورٹی فورسز کا حسن خیل میں آپریشن 5دہشت گرد جہنم واصل

سکیورٹی فورسز نے اطلاعات کی بنیاد پر ضلع پشاورکے علاقے حسن خیل میں آپریشن کر کے پانچ دہشتگردوں کو جہنم واصل کیا جبکہ آفیسر سمیت دو فوجی جوانوں نے جام شہادت نوش کیا۔

آئی ایس پی آر کی جانب سے جاری بیان کے مطابق دہشتگردوں کی موجودگی کی اطلاعات پر سکیورٹی فورسز نے ضلع پشاور کے علاقے حسن خیل میں آپریشن کیا جس میں پانچ دہشتگرد جہنم واصل جبکہ تین زخمی ہوئے ،تاہم فائرنگ کے تبادلے میں رحیم یار خان سے تعلق رکھنے والے 25 سالہ کیپٹن حسین جہانگیر اور ضلع کرک سے تعلق رکھنے والے 36 سالہ حوالدار شفیق اللہ نے بہادری سے لڑتے ہوئے جام شہادت نوش کیا۔

علاقے میں کسی بھی موجود دہشتگرد کے خاتمے کےلئے آپریشن جاری ہے ، سکیورٹی فورسز کا یہ عزم ہے کہ دہشتگردی کی عفریت کو جڑ سے اکھاڑ پھینکیں گے اور ہمارے بہادر سپاہیوں کی جانب سے اپنے اس عزم کو مزید مستحکم کرنے کےلئے ایسی قربانیاں جاری رہیں گی

مزید خبروں کیلئے وزٹ کریں