پٹرول 3.5 روپے سستا،ڈیزل 8.95،مٹی کا تیل 4.62 روپے مہنگا

اسلام آباد : حکومت نے پیٹرولیم مصنوعات کی قیمتوں میں ردوبدل کردیا۔جس کا نوٹیفکیشن جاری کردیا گیا ہے۔وزارت خزانہ کے مطابق پیٹرول کی فی لیٹر قیمت میں 3روپے 05پیسے کی کمی کی گئی ہے۔جس کے بعد پیٹرول کی نئی قیمت 227 روپے 19پیسے مقررہوئی ہے۔ 

ہائی اسپیڈ ڈیزل کی فی لیٹر قیمت میں 8روپے 95پیسے کا اضافہ کیا گیا ہے۔ڈیزل کی نئی قیمت 224 روپے 95 پیسے ہوگی۔مٹی کے تیل کی فی لیٹر قیمت 4روپے 62 پیسے اضافے کے ساتھ 201روپے07پیسے مقررہوئی ہے۔

لائٹ ڈیزل آئل کی فی لیٹر قیمت میں 12 پیسے کی کمی کی گئی ہے جس کے بعدلائٹ ڈیزل آئل کی نئی قیمت 191روپے 32پیسے ہوگی۔نئی قیمتوں کا اطلاق آج رات 12 بجے سے ہوگا۔