وزیراعظم شہبازشریف نے چینی کی برآمد پرپابندی عائد کردی

 اسلام آباد: وزیراعظم شہبازشریف نے ملک میں چینی کا ذخیرہ اور قیمت مستحکم رکھنے کے لئے برآمد پر پابندی لگا دی ہے ۔ وزیر اعظم نے ہدایت جاری کرتے ہوئے کہا ہے کہ عوام کی ضرورت کو پہلے پورا کرنا ہےاور قیمت کو مستحکم کرنا ہے۔

وزیراعظم نے چینی کی برآمد پر پابندی کے ساتھ اسمگلنگ کے خلاف سخت اقدامات کا بھی حکم دے دیا ہے اور کہا ہے کہ ذخیرہ اندوزوں، ناجائز منافع خوروں اور مصنوعی قلت پیدا کرنے والوں سے سختی سے نمٹا جائے۔

 وزیراعظم نے متعلقہ اداروں کو احکامات پر موثر عملدرآمد سے مسلسل آگاہ کرنے کی بھی ہدایت کی ہے اور کہا ہے کہ غفلت اور کوتاہی ہوئی تو متعلقہ افسران ذمہ ہوں گے۔