تارکین وطن کی ملک میں سرمایہ کاری میں بڑی رکاوٹ کرپشن ہے، وزیراعظم

وزیراعظم عمران خان نے کہا ہے کہ روشن اپنا گھر سکیم کے پیچھے بینک کی گارنٹی ہوگی، اس کے تحت اوورسیز پاکستانیوں کو گھر پر قبضے کا خوف نہیں ہوگا۔

بیرون ممالک مقیم پاکستانیوں کیلئے روشن اپنا گھر سکیم کے اجرا کے موقع پر تقریب سے خطاب میں  وزیراعظم عمران خان نے کہا کہ اوورسیز پاکستانی ہمارا بہت بڑا اثاثہ ہیں، انہیں بیرون ممالک میں ترقی کرتے دیکھا لیکن بدقسمتی سے ان سے فائدہ نہیں اٹھایا گیا۔

عمران خان نے کہا کہ اوورسیز پاکستانیوں کی فلاح وبہبود پر کسی نے توجہ نہیں دی لیکن اب موجودہ حکومت ان کیلئے آسانیاں پیدا کر رہی ہے۔ سرمایہ کاری میں سب سے بڑی رکاوٹ کرپشن ہے۔ اوورسیز پاکستانیوں کو گھر بنانے میں رکاوٹ قبضہ گروپس ہیں۔ ہم قبضہ گروپوں کے خلاف جہاد کر رہے ہیں۔