گلگت بلتستان انتخابات: پی ٹی آئی جیت گئی، پیپلزپارٹی3، ن لیگ 2 نشستیں لے سکی

گلگت بلتستان کے اسمبلی کے انتخابات میں تمام نشستوں کے غیر سرکاری نتائج موصول ہوگئے، تحریک انصاف 10 نشستوں کے ساتھ سرفہرست ہے جب کہ 7 نشستوں پر آزاد امیدواروں کو کامیابی ملی، پیپلز پارٹی کے 3 امیدوار کامیاب اور (ن) لیگ 2 نشستوں کے ساتھ تیسرے نمبر پر ہے، ایم ڈبلیو ایم ایک نشست لینے میں کامیاب رہی۔

گلگت بلتستان کی 24 میں سے 23 نشستوں کے لیے ووٹنگ کا عمل صبح 8 بجے سے شام 5 بجے تک پر امن طریقے سے بلاتعطل جاری رہا۔ شدید سرد موسم  کے باوجود لوگوں کی بڑی تعداد اپنا حق رائے دہی استعمال کرنے کے لیے گھروں سے باہر نکلے۔

انتخابات میں تمام 23 حلقوں کے غیر سرکاری اور غیر حتمی نتائج کے مطابق پاکستان تحریک انصاف 10 نشستوں پر کامیابی حاصل ہو چکی ہے۔ پیپلز پارٹی 3، مسلم لیگ (ن) 2 اور ایم ڈبلیو ایم ایک نشست لینے میں کامیاب رہی جبکہ 7 آزاد امیدواروں کو بھی فتح ملی۔

جی بی اے 7 اسکردو سے  گلگت بلتستان کے سابق وزیراعلی اور پیپلز پارٹی کے امیدوار سید مہدی علی شاہ کو شکست کا سامنا کرنا پڑ گیا، پاکستان تحریک انصاف کے امیدوار راجا محمد زکریا نے 5290 ووٹ حاصل کیے جب کہ گلگت بلتستان سید مہدی شاہ 4114 ووٹ لے سکے۔

جی بی 1 کے غیرحتمی نتائج کے مطابق پیپلز پارٹی کے امجد حسین 11178 ووٹ لے کر کامیاب ہوگئے، آزاد امیدوار سلطان رئیس 8356 ووٹ کے ساتھ دوسرے اور تحریک انصاف کے جوہر علی 403 ووٹ کے ساتھ تیسرے نمبر پر ہیں۔

جی بی 2 کے  سرکاری نتائج کے مطابق  ووٹوں کی دوبارہ گنتی میں پی ٹی آئی کے فتح اللہ خان 6696 ووٹلیکر 2  ووٹوں  سے کامیاب ہوگئے جبکہ  پیپلز پارٹی کے جمعیل  احمد  نے 6694 ووٹ لیے،اس سے پہلے  رات کوغیر کاری نتائج کے  مطابق پیپلز پارٹی کے جمیل احمد نے 6848 ووٹ حاصل کر کے میدان مارلیاتھا جبکہ  تحریک انصاف کے  فتح اللہ نے 6229  ووٹ  حاصل  کیے تھے ،سابق وزیراعلیٰ اور (ن) لیگ کے حافظ حفیظ الرحمان 2100 ووٹ کے ساتھ تیسرے نمبر پر ہیں۔

جی بی 4 میں تمام پولنگ اسٹیشنز کے غیرحتمی نتائج کے مطابق پیپلزپارٹی کے امجد حسین 4716 ووٹ لے کر فتح یاب قرار پائے، اسلامی تحریک پاکستان (آئی ٹی پی) کے امیدوار محمد ایوب نے 4291 ووٹ حاصل کیے۔ تحریک انصاف کے امیدوار ذوالفقار میر نے یہاں 2200 ووٹ حاصل کیے۔

جی بی 5 کے غیرسرکاری نتائج کے مطابق آزاد امیدوار جاوید علی منوا 2443 ووٹ حاصل کرکے کامیاب ہو گئے۔ ایم ڈبلیو ایم کے رضوان علی نے 1766 ، آزاد امیدوار ذوالفقارعلی مراد نے 1230 اور پی پی پی کے مرزا حسین نے 1123 ووٹ حاصل کیے۔

جی بی 6 کے غیرسرکاری نتائج کے مطابق مطابق تحریک انصاف کے کرنل (ر) عبیداللہ بیگ 6600 ووٹ لے کر کامیاب ہوگئے۔ آزاد امیدوار نورمحمد 4584 اور پی پی پی کے ظہور کریم ایڈووکیٹ 3005 ووٹ لے سکے۔

جی بی 7 اسکردو کے غیر حتمی نتائج کے مطابق پی ٹی آئی کے راجہ محمد زکریا خان نے 5290 ووٹ لے کر میدان مار لیا، سابق وزیر اعلیٰ گلگت بلتستان پی پی پی کے سید مہدی شاہ نے 4114 اور ن لیگ کے محمد اکبر خان نے 818 ووٹ حاصل کیے۔ یہاں رجسٹرڈ ووٹ کی تعداد 17 ہزار 127 ہے۔

جی بی 8 میں غیرسرکاری نتائج کے بعد مجلس وحدت مسلمین (ایم ڈبلیو ایم) کے محمد کاظم 7534 ووٹ لے کر میدان مار لیا جب کہ  پیپلز پارٹی کے امیدوار سید محمد علی شاہ 7146 ووٹ لے کر دوسرے نمبر پر رہے۔ حلقے میں رجسٹر شدہ ووٹوں کی تعداد 39567 ہے۔

جی بی 9 کے تمام 54  پولنگ اسٹیشنز کے غیرحتمی نتائج کے مطابق آزاد امیدوار وزیرمحمد سلیم 6286 ووٹ لے کر کامیاب قرار پائے۔ پی ٹی آئی کے فدا محمد ناشاد نے5187 ووٹ اور پی پی پی کے وزیروقارعلی نے 1856 ووٹ حاصل کیے۔

غیرحتمی و غیر سرکاری نتائج کے مطابق جی بی 10 میں بھی آزاد امیدوار راجا ناصر علی خان 4667 ووٹ لے کر کام یاب قرار پائے۔ ان کے مقابلے میں تحریک انصاف کے امیدوار وزیر حسین نے 3344 ووٹ حاصل کیے۔ جی بی 10 حلقے میں رجسٹرڈ ووٹوں کی تعداد 26 ہزار 839 ہے۔

اسی طرح جی بی 11 کے غیر حتمی و غیر سرکاری نتائج کے مطابق پی ٹی آئی کے سید امجد علی 5733 ووٹ لے کر فتح یاب ٹھہرے۔ آزاد امیدوار سید محسن رضوی 2016 ووٹ حاصل کرکے دوسرے نمبر اور آزاد امیدوار اقبال حسین 1838 ووٹ لے کر تیسرے نمبر پر رہے۔

گلگت بلتستان کے حلقہ 12 شگر میں غیرحتمی اور غیر سرکاری نتائج کے مطابق پی ٹی آئی کے راجا محمد اعظم خان 10674 ووٹ کے ساتھ کامیاب قرار پائے۔ پیپلز پارٹی کے عمران ندیم 8886 ووٹ لے کر دوسرے اور مسلم لیگ (ن) کے محمد طاہر شگری 2261 ووٹ کے ساتھ تیسرے نمبر پر رہے۔

جی بی 13 کے غیر سرکاری اور غیر حتمی نتائج کے مطابق تحریک انصاف کے خالد خورشید خان 4836 ووٹ حاصل کر کے کامیاب ہوگئے جب کہ ان کے مقابلے میں پیپلز پارٹی کے عبدالحمید خان نے3117 ووٹ اور ن لیگ کے رانا فرمان علی نے 2192 ووٹ حاصل کیے۔

جی بی 14 کے غیر سرکاری نتائج کے مطابق تحریک انصاف کے شمس الحق نون نے 5354 ووٹ لے کر میدان مار لیا۔ پیپلز پارٹی کے مظفرعلی نے 3479  ووٹ حاصل کر سکے اور مسلم لیگ ن کے امیدوار نے 3009 ووٹ لئے۔ یہاں رجسٹرڈ ووٹرز کی تعداد 29 ہزار 23 ہے۔

گلگت بلتستان اسمبلی کے حلقہ کے غیر سرکاری و غیر حتمی نتائج کے مطابق آزاد امیدوار شاہ بیگ 2713 ووٹ لے کر کامیاب ہوگئے۔ ان کے مدمقابل آزاد امیدوار محمد دلپذیر نے 2309 ووٹ اور تحریک انصاف کے امیدوار نوشاد عالم نے 183 ووٹ حاصل کیے۔ یہاں ووٹ کی شرح بہت کم رہی حالاں کہ رجسٹرڈ ووٹرز کی تعداد 35 ہزار 185 ہے۔

جی بی 16 کے تمام 41 پولنگ اسٹیشنز کے غیرسرکاری و غیر حتمی نتائج کے مطابق مسلم لیگ (ن) کے امیدوار محمد انور نے 4813 ووٹ حاصل کر کے کامیابی سمیٹی۔ ان کے مدمقابل آزادامیدوار عطا اللہ نے 2576 ووٹ اور تحریک انصاف کے عتیق اللہ نے 1733 ووٹ حاصل کیے۔ اس حلقے میں رجسٹرڈ ووٹرز کی تعداد 35 ہزار 405 ہے۔

گلگت بلتستان اسمبلی کے حلقہ 17 کے تمام 41 پولنگ اسٹیشنز کے غیر حتمی نتائج کے مطابق پاکستان تحریک انصاف کے حیدر خان نے 5389 ووٹ حاصل کرکے کام یابی حاصل کرلی۔ جے یو آئی (ف) کے رحمت خالق نے 5162 ووٹ اور پی پی کے امیدوار غفار خان نے 423 ووٹ حاصل کیے۔ اس حلقے میں رجسٹرڈ ووٹرز کی تعداد 29 ہزار 955 ہے۔

جی بی 18کے تمام 26 پولنگ اسٹیشنز کے غیر سرکاری نتائج کے مطابق تحریک انصاف کے گلبر خان نے 6793 ووٹ حاصل کرکے کام یابی حاصل کرلی۔ یہاں سے آزاد امیدوار ملک کفایت الرحمان نے 5986 ووٹ حاصل کیے جب کہ آزاد ملک شفایت الرحمان کوئی ووٹ حاصل نہ کرسکے۔

جی بی 19 کے تمام 51 پولنگ اسٹیشنز کے غیر سرکاری نتائج کے مطابق آزاد امیدوار نواز خان 6208 ووٹ حاصل فتح یاب ہوگئے۔ ان کے مدمقابل پیپلز پارٹی کے امیدوار جلال علی شاہ نے 4967 ووٹ اور تحریک انصاف کے امیدوار ظفر محمد نے 3 ہزار ووٹ حاصل کیے۔ یہاں رجسٹرڈ ووٹرز 37 ہزار 808 ہیں۔

گلگت بلتستان اسمبلی کے حلقہ 20 کے تمام پولنگ اسٹیشنز کے غیرسرکاری نتائج کے مطابق تحریک انصاف کے نذیراحمد نے 5582 ووٹ حاصل کرکے میدان مار لیا۔ یہاں سے مسلم لیگ (ن) کے امیدوار خان اکبرخان نے 3815 اور پی پی کے امیدوار علی مدد شیرنے 1026 ووٹ حاصل کیے۔ یہاں رجسٹرڈ ووٹرز کی تعداد 42 ہزار533 ہے۔

گلگت بلتستان اسمبلی کے حلقہ 21 کے غیر سرکاری و غیر حتمی نتائج کے مطابق پاکستان مسلم لیگ (ن) کے امیدوار غلام محمد نے 4334 ووٹ لے کر فتح حاصل کرلی۔ ان کے مدمقابل پی پی کے امیدوار محمد ایوب شاہ نے 3430 اور آزاد امیدوار حفیظ الرحمان نے517 ووٹ حاصل کیے۔ یہاں رجسٹرڈ ووٹرز کی تعداد 34 ہزار 973 ہے۔

جی بی 22 کے غیر سرکاری نتائج کے مطابق آزاد امیدوار مشتاق حسین نے 6051 ووٹ لے کر کامیابی حاصل کرلی۔ تحریک انصاف کے امیدوار محمد ابراہیم ثنائی نے 4945، پیپلز پارٹی کے امیدوار محمد جعفر نے 2615 ووٹ اور مسلم لیگ (ن) کے رضا الحق نے 614 ووٹ حاصل کیے۔ یہاں رجسٹرڈ ووٹرز کی تعداد 29 ہزار 104 ہے۔

گلگت بلتستان اسمبلی کے غیر سرکاری نتائج کے مطابق آزاد امیدوار عبدالحمید 3666 ووٹ لے کر فتح اپنے نام کی۔ ان کے مدمقابل پاکستان تحریک انصاف کی خاتون امیدوار آمنہ بی بی 3296 ووٹ لے کر دوسرے نمبر اور آزاد امیدوار امان اللہ 232 ووٹ کے ساتھ تیسرے نمبر پر رہے۔ یہاں رجسٹرڈ ووٹوں کی تعداد 27 ہزار 522 ہے۔

جی بی 24 کے تمام 42 پولنگ اسٹیشنز کے غیر سرکاری نتائج موصول ہوگئے جس کے مطابق پیپلز پارٹی کے امیدوار محمد اسماعیل 6206 ووٹ لے کر فاتح قرار پائے۔ پاکستان تحریک انصاف کے سید شمس الدین نے 5361 ووٹ حاصل کیے جب کہ مسلم لیگ (ن) کے امیدوار منظور حسین کوئی ووٹ حاصل نہ کرسکے۔