پی ٹی آئی کا اسلام آباد کی بجائے لاہور میں جلسہ کرنے کا فیصلہ

پاکستان تحریک انصاف نے اسلام آباد کی بجائے لاہور میں جلسہ کرنے کا فیصلہ کر لیا۔

چیئرمین پی ٹی آئی عمران خان کی زیرصدارت تحریک انصاف کی سیاسی کمیٹی کا اجلاس ہوا جس میں 13 اگست کے جلسے کا مقام تبدیل کرنے کا فیصلہ کیا گیا۔اجلاس میں فیصلہ کیا گیا کہ پی ٹی آئی کاجلسہ لاہور ہاکی گراؤنڈ میں ہوگا۔

13 اور 14 اگست کی درمیانی رات پاکستان تحریک انصاف اور لاہور کے غیور پاکستانی مل کر ہاکی سٹیڈیم لاہور میں 75واں یوم آزادی شایان شان طریقے سے منائیں گے

اس موقع پر سابق وزیراعظم عمران خان خصوصی طور پر شرکت اور خطاب کریں گے

— Azhar Mashwani (@MashwaniAzhar) August 8, 2022

عمران خان کے سوشل میڈیا انچارج اظہر ماشوانی نے اپنی ٹوئٹ میں بتایا ہے کہ 13 اور 14 اگست کی درمیانی رات 75واں یوم آزادی شایان شان طریقے سے منایا جائے گا۔ اس موقع پر سابق وزیراعظم عمران خان خصوصی طور پر شرکت اور خطاب کریں گے۔