ایک دن میں کورونا ویکسین لگوانے والوں کی تعداد 9 لاکھ سے تجاوز کر گئی، اسد عمر

اسلام آباد: ملک بھر میں روز ویکسی نیشن کا ریکارڈ بن رہا ہے، مسلسل 5 ویں دن ریکارڈ ویکسی نیشن کی گئی۔

نیشنل کمانڈ اینڈ آپریشن سینٹر کے سربراہ اسد عمر نے کہا ہے کہ ملک میں پہلی بار ایک دن میں کورونا ویکسین لگوانے والوں کی تعداد 9 لاکھ سے تجاوز کرگئی۔ سماجی رابطے کی ویب سائٹ ٹوئٹر پر اپنے پیغام میں کہا ہے کہ ملک بھرمیں روز ویکسی نیشن کاریکارڈ بن رہا ہے۔

انہوں نے کہاکہ مسلسل 5 ویں دن ریکارڈ ویکسی نیشن کی گئی، پہلی بار گزشتہ روز ریکارڈ ویکسی نیشن 9 لاکھ سے تجاوز کر گئی، ویکسین مہم کامیاب بنانے کیلئے 2600 مراکز قائم ہیں اور 2979 موبائل یونٹس بھی ویکسی نیشن کررہے ہیں۔