رجسٹرار سپریم کورٹ کی خدمات واپس،صدرعدالتی اصلاحات بل پردستخط کرینگے:وفاقی کابینہ

اسلام آباد : وفاقی حکومت نے رجسٹرار سپریم کورٹ کی خدمات واپس لینےکافیصلہ کرلیا۔

‏وزیراعظم شہباز شریف کی زیرصدارت وفاقی کابینہ کے اجلاس میں جسٹس قاضی فائز عیسیٰ کے خط پرغورکیا گیا۔وفاقی حکومت نے رجسٹرار سپریم کورٹ کی خدمات واپس لینےکافیصلہ کیا۔اجلاس میں دونکاتی ایجنڈے پر تفصیلی غور کیا۔وزیر قانون سینیٹر اعظم نذیر تارڑ اور اٹارنی جنرل نے کابینہ کو مختلف امور پر بریفنگ دی۔

وفاقی کابینہ نے عدالت عظمیٰ کے حکم کے خلاف رجسٹرار سپریم کورٹ کی طرف سے سرکلر جاری کرنے کے معاملے پر غور کیا ۔کابینہ نے رجسٹرار سپریم کورٹ کی خدمات واپس لینے کا فیصلہ کیا اور انہیں اسٹیبلشمنٹ ڈویژن رپورٹ کرنے کی ہدایت کی۔

وفاقی کابینہ نے صدر ڈاکٹر عارف علوی سے مطالبہ کیا کہ سپریم کورٹ پریکٹس اینڈ پروسیجر ایکٹ 2023 پر فی الفور دستخط کریں تاکہ ملک کو آئینی وسیاسی بحران سے نجات مل سکے۔