پٹرولیم مصنوعات کی قیمتوں میں 21 روپے سے 119 روپےفی لٹراضافے کی تجویز

 اسلام آباد:16 اپریل سے پٹرولیم مصنوعات کی قیمتوں کے لیے اوگرا کی جانب سے دو مختلف ورکنگ ارسال کر دی گئی ہیں۔ پٹرول ، ڈیزل اور مٹی کے تیل کی قیمت میں کم سے کم 21 روپے جبکہ زیادہ سے زیادہ 119 روپے فی لٹراضافے کی تجویز دی گئی ہے ۔

اوگرا نےپیٹرولیم لیوی اور جی ایس ٹی کی کم سے کم اور زیادہ زیادہ شرح کی بنیاد پر ورکنگ تیار کی ہے۔لیوی اور جی ایس ٹی کی موجودہ شرح کے مطابق ہائی اسپیڈ ڈیزل کی قیمت میں 51 روپے 32 پیسے فی لٹر اور پٹرول کی قیمت میں 21 روپے 30 پیسے فی لٹر اضافے کی سفارش کی گئی ہے ،مٹی کے تیل کی قیمت میں 36 روپے 5 پیسے اور لائٹ ڈیزل آئل کی قیمت میں 38 روپے 89 پیسے فی لٹر اضافے کی تجویز ہے۔

پٹرول اور ڈیزل پر لیوی کی شرح 30 روپے اور جی ایس ٹی 17 فیصد کرکے بھی دوسری ورکنگ تیارکی گئی ہے، دوسری ورکنگ کے تحت ہائی اسپیڈ ڈیزل کی قیمت میں 119 روپے فی لٹر،پٹرول کی قیمت میں 83 روپے 50 روپے فی لٹر ، مٹی کے تیل کی قیمت میں 77 روپے 56 پیسے اور لائٹ ڈیزل 77 روپے 31 پیسے فی لیٹر مہنگا کرنے کی تجویز ارسال کی گئی ہے۔ اضافے کی حتمی منظوری وزیر اعظم شہباز شریف دیں گے۔وزارت خزانہ کل نئی قیمتوں کا اعلان کرے گی جن کا اطلاق 16 اپریل سے ہوگا۔