پی ٹی آئی جلد زردای صاحب کے درِ دولت پربھی حاضری دے گی،سعد رفیق

 مسلم لیگ ن کے رہنما خواجہ سعد رفیق کا کہنا ہے کہ وفاق میں حکومت سازی کے لیے مولانا فضل الرحمٰن صاحب کے بعد پی ٹی آئی بہت جلد زردای صاحب کے درِ دولت پر حاضری دیکر ایک اور یوٹرن لے گی۔

سماجی رابطے کی ویب سائٹ ’’ایکس‘‘ پر سعد رفیق نے بیان دیا کہ پی ٹی آئی نے سیاسی برادری پر پے در پے حملے کرنے کے بجائے مکالمہ کیا ہوتا تو آج یہ دن نہ آتا۔

خواجہ سعد رفیق کا کہنا تھا کہ سیاسی بگاڑ اور رسہ کشی کے سب سے بڑے بینیفشری اور ذمہ دار خود عمران نیازی ہیں۔

واضح رہے کہ گزشتہ روز عمران خان خان کی ہدایت پر پی ٹی آئی کا وفد مولانا فضل الرحمان سے ملاقات کے لیے ان کی رہائش گاہ پہنچا تھا۔ پی ٹی آئی اورمولانا فضل الرحمان کے درمیان انتخابات میں دھاندلی سمیت سیاسی امور پر گفتگو ہوئی تھی۔