سارہ انعام قتل کیس:مرکزی ملزم شاہ نواز کو سزائے موت سنادی گئی

اسلام آباد  کی  مقامی  عدالت  نے سارہ انعام قتل کیس کے مرکزی ملزم شاہ نواز کو سزائے موت سنا دی۔ شاہ نواز امیرکو سزائے موت  کیساتھ  10 لاکھ روپے جرمانے کی سزا  بھی دی گئی  ہے جبکہ ملزمہ ثمینہ شاہ کو عدم ثبوت کی بنیاد پر بری کر دیا گیا۔

ڈسڑکٹ اینڈ سیشن جج ناصر جاوید رانا نے9 دسمبر 2023 کو محفوظ کیاگیافیصلہ سناتے ہوئے مجرم شاہ نواز امیرکو مجرم قرار دیتے ہوئے موت اور جرمانے کی سزا سنا ئی ۔ فیصلے کے بعد پولیس شاہ نواز امیر کو کمرہ عدالت سے لیکر روانہ ہو گئی، کیس کی سماعت ایک سال سے زائد تک جاری ر ہی اور اس دوران تین ججز نے کیس کی سماعت کی ۔

واضح رہے کہ سارا انعام کو ان کے شوہر شاہنوار نے 22 اور 23 دسمبر 2022 کی درمیانی رات چک شہزاد فارم ہاؤس میں سر پر ڈمپل مار کر قتل کر دیا تھا۔۔ شاہنواز امیر اور اس کی والدہ ثمینہ شاہ پر 5 دسمبر 2022 کو فردجرم عائد کی گئی تھی ۔۔