چمن بارڈر کل سے روزانہ 18 گھنٹے،30 جون سے24 گھنٹے کھلارہے گا، شہزاد ارباب

معاون خصوصی شہزاد ارباب کا کہنا ہے کہ 30 اپریل سے چمن بارڈر 18 جبکہ30 جون سے 24 گھنٹے کھلا رہےگا۔ اس اقدام سے افغانستان کے ساتھ عوامی روابط اور دوطرفہ تجارتی تعلقات میں بہتری آئے گی۔

وزیراعظم کے معاون خصوصی برائے اسٹیبلشمنٹ، محمد شہزاد ارباب کی زیر صدارت اجلاس منعقد ہوا۔ جس میں وزارت قومی غذائی تحفظ، وزارت داخلہ، ایف بی آر، قومی اسمبلی اور این ایل سی کے سینئر حکام شریک تھے۔معاون خصوصی کو چمن بارڈر کھولنے اور تیاریوں سے متعلق بریف کیا گیا۔

معاون خصوصی شہزاد ارباب نے کہا کہ 30 اپریل سے چمن بارڈر کو 18 گھنٹے روزانہ کی بنیاد پر کھولا جائے گا۔30 جون سے چمن بارڈر  24 گھنٹے کھلا رہےگا۔ اس اقدام سےافغانستان کے ساتھ عوامی اور دوطرفہ تجارتی تعلقات میں بہتری آئے گی۔۔ دونوں ممالک کے مابین تجارتی معاملات میں ہر طرح کی رکاوٹیں دور کرنے کے لیے ضروری اقدامات کر رہےہیں۔