اسپین کے دارالحکومت میڈرڈ میں کئی دہائیوں بعد بدترین برفانی طوفان

میڈیا رپورٹس مطابق سمندری طوفان کے ساتھ برفباری اور تیز ہواؤں نے درخت جڑوں سے اکھاڑ ڈالے، کئی انچ برف پڑنے سے ہزاروں گاڑیاں راستوں میں پھنس گئیں۔برفانی طوفان کے باعث میڈرڈ شہر کی ٹرین سروس معطل اور ائیرپورٹ بھی بند کر دیا گیا۔

میڈرڈ انتظامیہ کی جانب سے لوگوں کو گھروں میں رہنے کی ہدایت کی گئی ہے اور متاثرہ علاقوں میں امدادی کارروائیاں شروع کر دی گئی ہیں۔ائیرپورٹ پر پروازوں کی آمدورفت منسوخ جبکہ رینفے نے ٹرین سروس،معطل کردی ہے۔

میڈرڈ ایمرجنسی سروسز کی مدد کے لئے فوج کے ایمرجنسی یونٹ کو بھی طلب کر لیاگیاہے۔مجموعی طور پر 98 اہلکار 48 گاڑیوں کے ساتھ شہریوں کی مدد کررہے ہیں۔فوجی اہلکار سڑکوں پر پھنسے افراد کی مدد کررہے ہیں۔