بیکٹیریا کی شکایت، بیلجیئم میں چاکلیٹ فیکٹری بند کردی گئی

فرانسیسی خبر رساں ایجنسی اے ایف پی کے مطابق امریکہ و یورپ میں حکام کو خدشہ ہے کہ سلمونیلا کے کیسز کی وجہ بیلجیئم کی فیکٹری کی چاکلیٹس تھیں۔کنڈر چاکلیٹ کی فیکٹری اطالوی کمپنی فیریرو کی ملکیت ہے۔

بیلجیئم کی فوڈ سیفٹی اتھارٹی نے ایک بیان میں کہا کہ فیکٹری کو بند کرنے کی ہدایت اس وقت جاری کی گئی جب یہ معلوم ہوا کہ تحقیقات کے لیے فیریرو کی جانب سے فراہم کی گئی معلومات نامکمل ہیں۔اتھارٹی نے کمپنی کی جانب سے بیچی گئی مشہور کنڈر برانڈ چاکلیٹ کی پوری کھیپ مارکیٹ سے واپس اٹھانے کا بھی حکم دیا ہے جو یورپ میں ایسٹر کے تہوار سے قبل فیریرو کے لیے بہت بڑا دھچکہ ہے۔

فیریرو کمپنی نے برطانیہ کے سٹورز کو بیچی گئی ایسی چاکلیٹس واپس منگوا لی تھیں جو بیلجیئم کے جنوب مشرقی قصبے آرلون کی فیکٹری میں تیار کی گئی تھیں۔تاحال کمپنی کی مصنوعات میں بیماری کے جراثیم نہیں پائے گئے تاہم گذشتہ ہفتے بھی کئی یورپی ملکوں سے بیلجیئم کی فیکٹری میں تیار کردہ چاکلیٹ واپس منگوائی گئیں۔

ہسپانوی فوڈ سیفٹی ایجنسی نے جمعرات کو برطانیہ کی پیروی کرتے ہوئے کنڈر سرپرائز چاکلیٹ انڈوں کے کچھ بیچوں کو ہٹانے کا اعلان کیا۔ سلمونیلا بیکٹیریا کی ایسی قسم ہے جس سے انسان ڈائریا، بخار اور معدے کے درد میں مبتلا ہوسکتا ہے