سپریم کورٹ کو بطور ادارہ تحلیل کرنے کے اقدامات ہو رہے، فواد چودھری

لاہور : سابق وفاقی وزیر اطلاعات فواد چودھری نے کہا ہے کہ سپریم کورٹ کو بطور ادارہ تحلیل کرنے کے اقدامات ہو رہے ہیں جو کہ کسی صورت قبول نہیں، وکلاء اور عوام سپریم کورٹ کے ساتھ کھڑے ہیں۔

پاکستان تحریک انصاف کے مرکزی رہنما فواد چودھری نے اپنے ٹویٹر پیغام میں کہا کہ سپریم کورٹ کے احکامات پر فی الفور عمل ہونا چاہیے، پارلیمان آرٹیکل 81 کے تحت الیکشن کے اخراجات روک نہیں سکتی۔

سپریم کورٹ کے احکامات پر فی اکفور عمل ہونا چاہئے, پارلیمان آرٹیکل 81 کے تحت الیکشن کے اخراجات روک نہیں سکتی سپریم کورٹ کو بطور ادارہ تحلیل کرنے کے اقدامات ہو رہے ہیں یہ کسی صورت قبول نہیں، وکلاء اور عوام سپریم کورٹ کے ساتھ کھڑے ہیں

— Ch Fawad Hussain (@fawadchaudhry) April 14, 2023

فواد چودھری کا کہنا تھا کہ سپریم کورٹ کے چیف جسٹس اور جج صاحبان کے خلاف نامعلوم اور غیر اہم انفرادی درخواستیں دلوائی جاتی ہیں اور پھر پیمرا کی خصوصی ہدایات پر میڈیا چینلز پر ان گھٹیا، بدنیتی پر مبنی الزامات کو ہیڈلائنز میں چلوایا جاتا ہے۔

فواد چودھری کا کہنا تھا کہ مریم نواز کی ہدایت پر سپریم کورٹ کے جج صاحبان کے خلاف مہم انتہائی گھٹیا ہے۔