پنجاب کے وزیر اعلیٰ کا انتخاب آج ہو گا،مریم نواز کو واضح عددی برتری حاصل

پنجاب اسمبلی میں قائدِ ایوان کے انتخاب کے لیے ووٹنگ آج ہو گی اور مسلم لیگ (ن) کی نامزد امیدوار مریم نواز وزارتِ اعلیٰ کے لیے مضبوط امیدوار ہیں۔

اسپیکر پنجاب اسمبلی ملک احمد خان کی سربراہی میں اسمبلی کا اجلاس دن گیارہ بجے شروع ہو گا جس کے دوران قائد ایوان کے انتخاب کا عمل مکمل کی جائے گا۔

وزیرِ اعلیٰ کے انتخاب کے لیے مسلم لیگ (ن) کی امیدوار مریم نواز کا مقابلہ سنی اتحاد کونسل کے نامزد امیدوار رانا آفتاب احمد سے ہوگا۔

ایوان میں اکثریتی جماعت ہونے کی وجہ سے مریم نواز کی کامیابی یقینی ہے۔

اس سے قبل 24 فروری کو پنجاب اسمبلی میں اسپیکر اور ڈپٹی اسپیکر کا انتخاب عمل میں لایا گیا تھا۔ مسلم لیگ (ن) کے ملک احمد خان اسپیکر اور ظہیر اقبال چنڑ ڈپٹی اسپیکر منتخب ہوئے تھے۔

مزید خبروں کیلئے وزٹ کریں