شاعر احمد فرہاد کی گرفتاری وفاقی حکومت نے ظاہر کر دی

کشمیری شاعر احمد فرہاد کے لاپتا ہونے کے کیس کی سماعت کے دوران اٹارنی جنرل نے عدالت کو بتایا ہے کہ احمد فرہاد گرفتار ہیں اور پولیس کسٹڈی میں ہیں۔

اسلام آباد ہائی کورٹ کے جج محسن اختر کیانی نے بدھ کو احمد فرہاد کے کیس کی سماعت شروع کی تو اس موقع پر آزادکشمیر کے تھانہ دھیر کوٹ پولیس کی رپورٹ عدالت میں پیش کی گئی۔

اٹارنی جنرل منصور عثمان اعوان نے عدالت کو بتایا کہ شاعر احمد فرہاد گرفتار ہیں اور اس وقت کشمیر پولیس کی کسٹڈی میں ہیں۔

پولیس رپورٹ پر جسٹس محسن اختر کیانی نے کہا کہ کوہالہ پل کے بعد گرفتار کر کے دائرہ اختیار وہاں کا بنایا گیا ہے۔

جسٹس محسن نے ریمارکس دیے کہ کسی کو ایجنسیوں سے کوئی دشمنی نہیں۔ ہم صرف یہ کہتے ہیں کہ قانون کے مطابق کام کریں۔

فاضل جج نے کہا کہ ہم نے کچھ سوالات اٹھائے تھے جن کے جواب آنا باقی ہیں۔ ہم نے بنیادی حقوق کے تحفظ کا حلف اٹھا رکھا ہے۔

مزید خبروں کیلئے وزٹ کریں