سپریم کورٹ میں انتخابات 2024 کو کالعدم قرار دینے کی درخواست پر سماعت آج ہو گی

پاکستان کی اعلیٰ ترین عدالت ملک میں حالیہ عام انتخابات کو کالعدم قرار دینے کے حوالے سے دائر درخواست کی سماعت آج کر رہی ہے۔

ملک میں آٹھ فروری کو عام انتخابات ہوئے تھے۔ ان انتخابات کے حوالے سے ایک شہری علی خان نے درخواست دائر کی ہے جس میں مؤقف اختیار کیا گیا کہ الیکشن عدلیہ کی نگرانی میں نہیں ہوئے۔ تمام سیاسی جماعتیں الیکشن میں دھاندلی کا الزام لگا رہی ہیں۔ اس صورت میں انتخابات کو کالعدم قرار دیا جائے۔

اس درخواست کی سماعت سپریم کورٹ کے چیف جسٹس قاضی فائز عیسی کی سربراہی میں تین رکنی بینچ کرے گے۔ بینچ میں جسٹس محمد علی مظہر اور جسٹس مسرت ہلالی بھی شامل ہیں۔

درخواست گزار کا مؤقف ہے کہ انتخابات میں مبینہ دھاندلی پر عالمی سطح پر تنقید ہو رہی ہے جس سے پاکستان کی بد نامی ہو رہی ہے ۔

درخواست گزار نے یہ استدعا بھی کی ہے کہ انتخابات کو کالعدم قرار دے کر 30 دن میں سپریم کورٹ کی نگرانی میں میں انتخابات کا انعقاد کیا جائے۔

یاد رہے کہ یہ درخواست گزشتہ پیر کو دائر کی گئی تھی جس کو تین دن قبل سماعت کے لیے مقرر کیا گیا تھا۔

مزید خبروں کیلئے وزٹ کریں