محرم الحرام کا چاند نظر نہیں آیا، یوم عاشور 9 اگست کو ہوگا

کوئٹہ : پاکستان میں محرم الحرام کا چاند نظر نہیں آیا لہذا کل 30 ذی الحجہ ہو گی اور یوم عاشور 9 اگست کو ہوگا۔
کوئٹہ میں چیئرمین مولانا عبدالخبیر آزاد کی سربراہی میں مرکزی رویت ہلال کمیٹی کا اجلاس ہوا جس میں رویت ہلال کمیٹی کے ممبران، محکمہ موسمیات اور دیگر معاون اداروں کے ذمے داران بھی شریک ہوئے۔
رویت ہلال کی زونل کمیٹیوں کے اجلاس اپنے اپنے شہروں میں بھی ہوئے، وزارت مذہبی امور کے دفتر میں بھی زونل کمیٹی کا اجلاس ہوا۔ اجلاس کے بعد میڈیا سے گفتگو کرتے ہوئے مولانا عبد الخبیر آزاد نے کہا کہ محرم الحرام کا چاند نظر نہیں آیا۔ ملک کے کسی بھی علاقےسے شہادتیں موصول نہیں ہوئیں۔