چھٹیاں ختم، تعلیمی ادارے کھولنے اور امتحانات شیڈول کے مطابق جاری رکھنے کا فیصلہ

بین الصوبائی وزارت تعلیم کانفرنس میں تعلیمی ادارے انسداد کورونا ایس او پیز کے تحت کھولنے، اور امتحانات شیڈول کے مطابق جاری رکھنے کا فیصلہ کیا گیا ہے۔

ملک میں عیدتعطیلات کے لئے بند تعلیمی ادارے کھولنے یا نہ کھولنے کے حوالے سے صوبائی اور وفاقی وزارت تعلیم کے سیکرٹریز کا اہم مشاورتی اجلاس اسلام آباد میں ہوا۔ اجلاس کی صدارت قائم مقام وفاقی سیکرٹری تعلیم آصف حیدر نے کی جس میں صوبائی سیکرٹریز ایجوکیشن کی ویڈیو لنک شرکت کی۔

اجلاس میں فیصلہ کیا گیا کہ بورڈ امتحانات شیڈول کے مطابق جاری رہیں گے جب کہ چھٹیاں نہیں بڑھائی جائیں گی،کورونا ایس او پیز کے تحت سکول شیڈول کے مطابق کھولنے پر اتفاق کر لیا گیا ہے اور کورونا شرح کے مطابق صوبے خود فیصلے کریں گے۔