عمران خان کو اسمبلی میں بطور وزیر اعظم لائیں گے:عمر ایوب

پاکستان تحریک انصاف (پی ٹی آئی) کے نامزد وزیراعظم عمر ایوب نے کہا ہے کہ بانی پی ٹی آئی عمران خان کو اسمبلی میں بطور وزیر اعظم لائیں گے۔

پارلیمنٹ ہاؤس کے باہر میڈیا سے غیر رسمی گفتگو کرتے ہوئے عمر ایوب کا کہنا تھا کہ موجودہ حکومت قرضے درست طریقے سے استعمال کرنے کی صلاحیت نہیں رکھتی، عالمی مالیاتی ادارے چاہتے ہیں کہ ان کے قرض کا درست استعمال ہو۔

انہوں نے کہا کہ عمران خان کو اسمبلی میں بطور وزیر اعظم لائیں گے، عوام کے مسائل کے خاتمے کی بھرپور کوشش کریں گے۔

عمر ایوب نے مزید کہا کہ سنی اتحاد کونسل کے ارکان اسمبلی ہال میں اکٹھے آئیں گے، حلف بھی اٹھائیں گے اور احتجاج بھی کریں گے، بانی تحریک انصاف نے اجلاسوں میں شرکت یقینی بنانے کی ہدایت کی ہے۔

مزید خبروں کیلئے وزٹ کریں