بنوں میں پولیو ٹیم پر حملہ،2 پولیس اہلکار شہید، 2 زخمی

خیبرپختونخوا کےضلع بنوں کے علاقے ٹیری رام میں پولیو ٹیم پر حملہ ہو اہے  ۔ حملے کے  نتیجے میں ایک اے  ایس آئی اور  ایک  اہلکار شہید ہوگئے جبکہ دو اہلکار زخمی ہوئے ہیں۔

حملے میں ایک حملہ آور بھی زخمی ہوا جس کا پیچھا کرتے ہوئے فیاض الدین اور سکندر خان پولیس نفری کے ہمراہ  گھر میں داخل ہوئے تھے جہاں حملہ آوروں نے انہیں ۔۔شہید کردیا۔پولیس کا کہنا ہے کہ پولیو ٹیم پر حملے میں ان کی سیکیورٹی پر مامور دو پولیس اہلکار زخمی ہوگئے جنہیں اسپتال منتقل کیا گیا۔

گزشتہ روزخیبر پختونخوا کے شمالی ضلع باجوڑ میں انسدادِ پولیو ٹیم کی سیکیورٹی پر مامور پولیس اہلکاروں کو دہشت گردوں نے نشانہ بنایا ہے۔پولیس کے مطابق باجوڑ کے علاقے بیلوٹ فرش میں دھماکا ہوا ہے جس کے نتیجے میں 5 پولیس اہل کار جاں بحق، جبکہ 22  زخمی ہو گئے۔ باجوڑ پولیس نے بتایا ہے کہ دھماکا پولیس کے ٹرک کے قریب ہوا ہے۔

مزید پڑیں  https://urdu.newsdiplomacy.com/latest-news/tosha-khana-reference/

باجوڑ پولیس کے مطابق مذکورہ پولیس اہلکار انسدادِ پولیو مہم ٹیم کی سیکیورٹی کے لیے جا رہے تھے کہ دھماکے کا نشانہ بن گئے۔دھماکے سے پولیس کا ٹرک مکمل طور پر تباہ ہو گیا۔