آئی ایم ایف سے 70 کروڑ ڈالر کی قسط موصول ہوگئی

 آئی ایم ایف سے پاکستان  70 کروڑ ڈالر کی اگلی قسط موصول ہوگئی۔ آآئی ایم ایف بورڈ نے گزشتہ ہفتے اقتصادی جائزے کی منظوری کے ساتھ اگلی قسط کی منظوری دی تھی۔

ذرائع کا کہنا ہے کہ پاکستان کو اسٹینڈ بائی ارینجمنٹ پروگرام کے تحت آئی ایم ایف سے  اب تک 1.9 ارب ڈالر کی رقم موصول ہوچکی ہے۔ اگلے اقتصادی جائزے کی کامیابی کے ساتھ تکمیل کی صورت میں پاکستان کو مزید 1.1 ارب ڈالر ملیں گے ۔آئندہ عام انتخابات کے باعث مذاکرات کا شیڈول تبدیل ہوسکتا ہے۔  پروگرام کے تحت آئی ایم ایف سے  قرضے کی آخری قسط اپریل میں موصول ہونا ہے۔

پاکستان اور آئی ایم ایف کے درمیان اسٹاف لیول معاہدہ گزشتہ سال 15 نومبر کو طے پایا تھا۔  پاکستان 3 ارب ڈالر کے اسٹینڈ بائی ارینجمنٹ کے تحت 1.2 ارب ڈالر پہلے ہی حاصل کرچکا ہے۔دوسری جانب متحدہ عرب امارات نے بھی دو ارب ڈالر کا قرضہ رول اوور کردیا ہے۔  قرض جون2025 تک کیلئے روواور کیا گیا ہے۔ رول اوور قرض رواں ماہ میچیور ہونے پر واپس کرنا تھا۔