کے الیکٹرک کےلئے بجلی 7.43 روپے سستی، ڈسکوز کےلئے 19 پیسے مہنگی

کراچی کے شہریوں کےلئے خوشخبری۔بجلی 7 روپے 43 پیسے سستی ہوگئی۔نیپرا نے کے الیکٹرک کےلئے نومبر کے ماہانہ فیول چارجز ایڈجسٹمنٹ کی مد میں قیمتوں میں کمی کی منظوری دی۔لائف لائن صارفین۔300 یونٹس تک گھریلو صارفین۔زرعی صارفین اور الیکٹرک وہیکل چارجنگ اسٹیشنز پراطلاق نہیں ہوگا۔

نیپرا کے نوٹیفکیشن کے مطابق کے الیکٹرک نے 7 روپے 4 پیسے فی یونٹ کمی کی درخواست کی تھی۔اتھارٹی نے 27 دسمبر 2022 کو عوامی سماعت کی۔اس سے قبل اکتوبر کا فیول چارجز ایڈجسٹمنٹ صارفین سے 2 روپے 45 پیسے فی یونٹ کمی کے ساتھ چارج کیا گیا تھا۔نومبر کا ایف سی اے اکتوبر کی نسبت صارفین سے4 روپے 98 پیسےمزید کم چارج کیا جائے گا۔اطلاق صرف ایک ماہ کے لئے ہوگا۔

دوسری جانب نیپرا نے ڈسکوز کےلئےبجلی 19 پیسے مہنگی کر دی۔اطلاق صرف جنوری کے مہینے کے بلوں پر ہوگا۔اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پر ہوگا۔اطلاق کے الیکٹرک صارفین پر بھی اطلاق نہیں ہوگا۔نوٹیفکیشن کے مطابق نیپرا نے ڈسکوز کے نومبر کے ماہانہ فیول چارجز ایڈجسٹمنٹ کی مد میں سنٹر پاور پرچیزنگ ایجنسی نے 20 پیسے فی یونٹ اضافے کی درخواست کی تھی۔اتھارٹی نے 27 دسمبر2022 کو ایف سی اے پرعوامی سماعت کی تھی۔