72گھنٹےاہم ہیں جمعےکواسمبلیاں ٹوٹیں گی  تولگ پتا جائے گا،شیخ رشید

راولپنڈی : سابق وزیر داخلہ شیخ رشید نے اگلے 72 گھنٹوں کو اہم قرار دیدیا ہے۔

عوامی مسلم لیگ کے سربراہ شیخ رشید نے کہا ہے کہ یہ نہ ہوا تو ساری دیوار مجھ پر گر جائے۔ حکومت مکمل ناکام ہے اور خامخواہ اقتدار سے چپکی ہوئی ہے۔ کل استعفے دینے کیلئے اسمبلی جانا پڑا تو دوسری مرتبہ بھی جائیں گے۔ موجودہ حالات میں عدلیہ پر بڑی ذمہ داری آچکی ہے ۔

راولپنڈی میونسپل کارپوریشن میں سینٹری ورکرز کی تقریب سے خطاب کرتے ہوئے شیخ رشید کا مزید کہنا تھا کہ لوگ پیٹ کے ہاتھوں بجلی کے بلب اتار رہے ہیں، سٹاک ایکسچنج نیچے اور ڈالر اوپر جارہا ہے، موجودہ حکومت کی نہ ملک میں عزت نہ باہر عزت ہے، کوئی مجھے بتا دے کہ 78 وزراء کی وزارت کیا ہے۔ ایک لاکھ روپے انعام دوں گا، قبضہ مافیا نے 27 کلومیٹر پر قبضہ کیا ہوا ہے، پوری کوشش کر رہے ہیں کہ سچ کے ساتھ دیں، ہمیں سیٹوں سے ذیادہ عزت عزیز ہے۔

شیخ رشید نے کہا کہ وزیر پیٹرولیم کہتا ہے روس سے تیل لے رہے ہیں وزیر خارجہ کہہ رہا ہے کہ کوئی نہیں لے رہے، اسی طرح اسحاق ڈار کچھ اور بولتا ہے اور مفتاح اسماعیل کچھ اور بولتا ہے، یہ ملک خانہ جنگی کی طرف جارہا ہے، یہ ایک چھوڑ کر ایک ہزار عمران خان کی وڈیو لیک کر دیں لوگ بدل چکے ہیں۔گورنر صاحب نے آویں تکلیف کی ہے،پرویز الہی نے کئی بار گلے شکوے کیئے.میں وقت کی نزاکت کو سمجھتا ہوں شکوہ نہیں کروں گا۔عمران خان نے جمع کے دن اسمبلیاں تحلیل کرنے کا کہا ہے۔

سابق وزیر داخلہ کا کہنا تھا کہ بلاول لاپتہ کا اشتہار دے رہے ہیں۔ بلو رانی پاکستان اجائے اپنے لپسٹیک اور میک اپ پر پیسے نہ لگاو جو پیسے اس پر لگا رہا وہ سینٹری ورکرز کو دے۔