پاکستان اور بھارت کے درمیان جوہری تنصیبات کی فہرستوں کا سالانہ تبادلہ

پاکستان اور بھارت کے درمیان جوہری تنصیبات کی فہرستوں کا سالانہ تبادلہ کر دیا گیا۔جوہری تنصیبات کی فہرستوں کے تبادلے کا سلسلہ یکم جنوری 1992 سے جاری ہے۔

ترجمان دفتر خارجہ کے مطابق پاکستان میں جوہری تنصیبات کی فہرست آج بھارتی ہائی کمیشن کے نمائندے کے حوالے کی گئی ہے۔ بھارتی وزارت خارجہ نے نئی دہلی میں پاکستانی ہائی کمیشن کو جوہری تنصیبات کی فہرست بھی حوالے کی۔ ترجمان دفتر خارجہ کا کہنا ہے کہ پاکستان اور بھارت نے جوہری تنصیبات کے خلاف حملوں کی ممانعت کے معاہدے پر1988 کو دستخط کیے گئےہیں۔ پاکستان اور بھارت میں معاہدہ ہے کہ دونوں ممالک جوہری تنصیبات کے بارے میں آگاہ کریں گے۔معاہدے کے تحت پاکستان اور بھارت ہر سال کی یکم جنوری کو جوہری تنصیبات کی فہرست حوالے کرتے ہیں، ترجمان دفترخارجہ کے مطابق جوہری تنصیبات کی فہرستوں کے تبادلے کا سلسلہ یکم جنوری 1992 سے جاری ہے۔