پاک فوج دشمن کےعزائم خاک میں ملانے،سیکورٹی چیلنجزکامنہ توڑجواب دینے کیلئے تیار

پاک فوج کے سپہ سالار جنرل قمر جاوید باجوہ کا کہنا ہے کہ پاک فوج ملک کو درپیش خطرات سے آگاہ ہے، دشمن کے عزائم خاک میں ملانے کی مکمل صلاحیت رکھتے ہیں۔

 مسلح افواج شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابرافتخار نے سماجی رابطے کی ویب سائٹ ٹویٹر پر جاری بیان بتایا کہ آرمی چیف جنرل قمر جاوید باجوہ نے جہلم کے قریب فیلڈ فائرنگ رینج کا دورہ کیا اور جدید ترین چینی ساختہ ٹینک وی ٹی فور کی جنگی مشقوں میں کارکردگی مظاہرہ دیکھا۔ ۔۔

آئی ایس پی آر کے مطابق چیف آف آرمی اسٹاف جنرل قمر جاوید باجوہ نے وی ٹی فور کی کارکردگی پراطمینان کا اظہار کیا، وی ٹی فورکی پروٹیکشن اورفائرنگ کی صلاحیت کاکوئی ثانی نہیں، وی ٹی فور کا موزانہ کسی بھی جدیدترین ٹینک کے ساتھ کیا جا سکتا ہے۔

میجر جنرل بابر افتخار کے مطابق پاکستان کی دفاعی صلاحیت میں ایک اور شاندار اضافہ ہوا ہے، سٹرائیک کور جنگ میں فیصلہ کن کردار کے حامل ہے، ملک دشمن کے لیے خطرے کی علامت ہے، آرمڈکور میں جدید ترین ٹینکس شامل کیے گئے ہیں۔ آرمی چیف نے افسروں اورجوانوں کی پیشہ ورانہ صلاحیتوں اور آپریشنل تیاریوں کو سراہا۔

#COAS visited Field Firing Ranges near Jhelum today to witness demonstration of state of the art, Chinese origin third generation Main Battle Tank VT-4. This potent war fighting machine will be employed in offensive role by strike formations after induction (1/5) pic.twitter.com/csQv54XVDj

— DG ISPR (@OfficialDGISPR) September 22, 2020

ڈی جی آئی ایس پی آر کے مطابق اس موقع پر آرمی چیف جنرل قمر جاوید باجوہ کا کہنا تھا کہ پاک فوج ملک کو درپیش خطرات سے آگاہ ہے۔ ہم اندرونی اور بیرونی چیلنجز سے نمٹنے کے لیے تیار ہیں۔ ملکی سلامتی کو درپیش چیلنجز کا بھی منہ توڑ جواب دینے کیلئے تیارہیں۔ دشمن کے عزائم خاک میں ملانے کی مکمل صلاحیت رکھتے ہیں۔