ارشد شریف قتل کیس کا مقدمہ پولیس کی مدعیت میں درج

اسلام آباد : سپریم کورٹ کے ازخود نوٹس کے بعد ارشد شریف قتل کیس کا مقدمہ ایس ایچ او تھانہ رمنا کی مدعیت میں درج کر دیا گیا۔اسلام آباد کے تھانہ رمنا میں درج میں کہا گیا ہے کہ ارشد شریف کو بیرون ملک کینیا میں قتل کیا گیا۔قتل میں خرم احمد، وقار احمد، طارق احمد اور دیگر نامعلوم ملزمان کا ملوث ہونا پایا جا رہا ہے۔

ایف آئی آر کے متن کے مطابق ارشد شریف کی لاش بیرون ملک سے سے پاکستان پہنچی تھی، بذریعہ میڈیکل بورڈ ارشد شریف کی لاش کا پوسٹ مارٹم کروایا گیا، میڈیکل بورڈ نے چار عدد پارسل نمونہ لیبارٹری بھجوائے تھے۔تھانہ رمنا میں درج ایف آئی آر میں کہا گیا کہ ارشد شریف کی بیرون ملک ہونے والی موت کی انکوائری سینیر سطح پر ہو رہی ہے،پوسٹ مارم رپورٹ کے مطابق ارشد شریف کی موت آتشی اسلحہ کا فائر لگنے سے ہوئی، ارشد شریف کو بیرون ملک کینیا میں قتل کیا گیا۔

قتل میں خرم احمد، وقار احمد، طارق احمد اور دیگر نامعلوم ملزمان کا ملوث ہونا پایا جا رہا ہے۔