آصف علی زرداری کی طبعیت خراب، کراچی کے ہسپتال میں داخل کرا دیا گیا

کراچی :سابق صدر آصف زرداری کو طبعیت بگڑنےپر مقامی ہسپتال منتقل کر دیا گیا۔ آصف زرداری کی جانب سے منگل کو اسلام آباد ہائی کورٹ میں سماعت کے موقع پرحاضری سے استثنیٰ کی درخواست بھی دائر کردی گئی۔

درخواست میں موقف اختیار کیا گیا ہے کہ سابق صدر آصف علی زرداری کو طبیعت بگڑنے پر 22 نومبر کو دوبارہ اسپتال داخل کروایا گیا ہے ۔ طبی بنیادوں پر منگل کو حاضری سے استثنی کی درخواست منظور کی جائے۔درخواست کے ساتھ آصف علی زرداری کی میڈیکل رپورٹس بھی منسلک کی گئی ہیں۔

 واضح رہے کہ 8 ارب روپے کی مشکوک ٹرانزیکشن کیس میں آصف زرداری کی عبوری ضمانت پر سماعت منگل کو اسلام آباد ہائی کورٹ میں ہو گی۔ جسٹس عامر فاروق اور جسٹس محسن اختر کیانی کیس کی سماعت کریں گے۔