آڈیولیکس ، سپریم کورٹ نے عمران خان کی درخواست اعتراض کے ساتھ واپس ہوگئی

اسلام آباد : سپریم کورٹ نے آڈیو لیک کی تحقیقات کےلئے عمران خان کی درخواست اعتراضات لگا کر واپس کردی۔اعتراضات میں کہا گیا ہے کہ درخواست گزار اپنی درخواست میں عوامی مفاد کو واضح نہیں کرسکے۔سپریم کورٹ سے پہلے کسی اور فورم سے رجوع نہیں کیا۔درخواست قابل سماعت نہیں ہے۔
عمران خان نے آڈیو لیک کی تحقیقات کیلئے جوڈیشل کمیشن یا مشترکہ تحقیقاتی ٹیم بنانے، مزید آڈیوزلیک روکنے ، وزیر اعظم ہائوس اور آفس کی نگرانی، ڈیٹا ریکارڈنگ اور آڈیو لیکس کا غیر قانونی قرار دینے کی استدعا کی تھی۔درخواست میں کہا گیا تھا کہ آڈیو لیکس کی تحقیقات کراکر ذمہ داران کو سزا دی جائے۔درخواست میں وزارت داخلہ،دفاع، آئی ٹی، وزارت اطلاعات، آئی بی، ایف آئی اے اور پیمرا کو بھی فریق بنایا گیا تھا.