اعظم سواتی نے ایک ہی جرم دو بار کیا، اسپیشل سینٹرل جج درخواست ضمانت خارج کر دی

اسپیشل سینٹرل جج کی عدالت نے اعظم سواتی کی درخواست ضمانت خارج  کردی،جج اعظم خان نے ریمارکس دیئے کہ اعظم سواتی نے ایک ہی جرم دو بار کیاہے،اعظم سواتی کی درخواست ضمانت خارج کی جاتی ہے۔

اسپیشل سینٹرل جج اسلام آباد اعظم خان نے اعظم سواتی کی درخواست ضمانت پر سماعت کی۔ دوران سماعت پراسیکوٹر رضوان عباسی نے اپنے حتمی دلائل  میں کہا کہ اعظم سواتی کے اکاؤنٹ پر بلو ٹِک ہے، انہیں مشہور شخصیات نے ٹویٹر پر فالو کیاہوا۔ اعظم سواتی کو فالو کرنے والی مشہور سیاسی اور صحافتی شخصیات شامل ہیں، اعظم سواتی اپنے ٹوئٹر اکاؤنٹ سے کبھی انکاری نہیں ہوئے۔ اس بات میں کوئی دو رائے نہیں کہ ٹویٹر اکاؤنٹ اعظم سواتی کا نہیں۔ سرکاری وکیل نے عدالت کو بتایا کہ اعظم سواتی نے افواجِ پاکستان کے خلاف ایک بیانیہ بنانے کی کوشش کی ہے۔ پراسیکوٹر رضوان عباسی اور سرکاری وکیل نے اعظم سواتی کی درخواستِ ضمانت کی مخالفت کردی۔اعظم سواتی کے وکیل نے کہا کہ ٹویٹس کے سکرین شارٹس پر سائبر کرائم کا مقدمہ نہیں بنتا۔ اسکرین شارٹس کی بنیاد پر کیس بنایاگیاہے۔ سپیشل جج سینٹرل اعظم خان نے اعظم سواتی کی ضمانت کی درخواست پر محفوظ سناتے ہوئے کہا کہ اعظم سواتی نے ایک ہی جرم دو بار کیاہے،اعظم سواتی کی درخواست ضمانت خارج کی جاتی ہے۔