عمران خان کا کرپشن سے آلودہ بھیانک چہرہ سامنے آگیا،بلاول بھٹو

 کراچی :پاکستان پیپلزپارٹی کے چیئرمین بلاول بھٹو زرداری نے کہاہے کہ پی ٹی آئی فارن فنڈنگ کیس میں اسکروٹنی کمیٹی رپورٹ کے بعد عمران خان کا کرپشن سے آلودہ بھیانک چہرہ سامنے آیا ہے، عمران خان نے سچ بولنے کا حلف اٹھا کر پی ٹی آئی کے بینک اکاؤنٹس الیکشن کمیشن سے چھپائے ہیں۔

 بلاول ہاوس میڈیا سیل سے جاری بیان میں بلاول بھٹو نے کہاہے کہ کروڑوں روپے دیدہ دلیری سے خردبرد کرنے والے سلیکٹڈ وزیراعظم دوسروں کو کرپشن کے طعنے دیتے ہیں جبکہ یہ بات اب واضح ہوچکی ہے کہ عمران خان نے کرپشن کے خلاف نام نہاد مہم کی آڑ میں کرپشن کرکے ملک کو لوٹا ہے۔

 چیئرمین پیپلزپارٹی کاکہنا تھاکہ آج تباہ حال ملکی معیشت گواہ ہے کہ پی ٹی آئی سرکار قومی خزانے کو بیدردی سے لوٹ رہی ہے، عمران خان کو زبردستی کا ایمان دار ثابت کرکے قوم پر مسلط کیا گیا لیکن اب حساب دینے کا وقت آچکا ہے۔