قوم کا مستقبل بیچنے والے قانون کی گرفت میں

اسلام آباد؛ ایف آئی اے کی ٹیم نے لاہور میں کارووائی کرتے ہوئے سی ایس ایس کا پرچہ آوٹ کرانے والے گروہ کو گرفتار کرلیا، پرچہ آوٹ کرنے میں سرکاری افسران ہی ملوث نکلے۔۔

ملزمان پرچہ شروع ہونے سے چند گھنٹے قبل لاکھوں روپے کے عوض سی ایس ایس کا پرچہ لیک کردیا جاتا تھا، اس مکروہ دھنے میں 5 سے زائد سرکاری افسران کے ملوث ہونے کا انکشاف ہوا ہے جن میں سے 2 کو گرفتار کر لیا گیا ہے۔
ایف آئی اے نے لاہور کے کچا لارنس روڈ پر چھاپہ مار کر ایکسائز اینڈ ٹیکسیشن آفیسر لاہور سید تجمل حسین نقوی کو گھر سے گرفتار کرلیا، ملزم کی نشان دہی پر ایک دوسرے ملزم انجینئر شہزاد سیال کو بھی حراست میں لے لیا گیا۔

دونوں ملزمان نے تفتیش کے دوران انکشاف کیا کہ اس جرم میں ان کے ساتھ فیڈرل پبلک سروس کمیشن بلوچستان کے انچارج اسسٹنٹ ڈائریکٹر خالد حسین مغیری، محکمہ جیل خانہ جات پنجاب کے اسسٹنٹ سپرنٹنڈنٹ اویس شریف اور ریجنل ٹیکس آفس ملتان کے انسپکٹر سجاد بھی شامل ہیں، ایف آئی اے نے اینٹی کرائم سرکل تھانہ لاہور میں مذکورہ ملزمان اور نامعلوم طلبہ کیخلاف مقدمہ درج کرکے اسکینڈل کی تحقیقات شروع کردی ہیں۔
ملزم انجینئر شہزاد سیال نے دوران تفتیش یہ اعتراف بھی کیا کہ فیڈرل پبلک س روس کمیشن کے کوئٹہ میں نگران خالد حسین مغیری سی ایس ایس کے پرچے امتحان شروع ہونے سے ایک سے 2 گھنٹے قبل انہیں واٹس اپ کرتا تھا اور وہ اسے ای ٹی او لاہور سید تجمل حسین نقوی کو بھیج دیتا تھا، تجمل نقوی اس پرچے کو لیک کرکے اس کے عیوض امیدواروں سے بھاری رقوم وصول کرتے تھے، رقم میں سے 9 لاکھ 80 ہزار روپے کا حصہ ریجنل ٹیکس آفس ملتان کے انسپکٹر سجاد کے ذریعے خالد حسین مغیری کے ملتان کے ایک بینک اکاؤنٹ میں بھیجے جاتے تھے۔
ایف آئی اے حکام کے مطابق خالد حسین مغیری کو لاہور منتقل کیا جائے گا، جس کیلئے مقامی عدالت سے راہداری ریمانڈ حاصل کرلیا گیا ہے، اسکینڈل میں ملوث دیگر ملزمان کی گرفتاری کیلئے بھی چھاپے مارہے جارہے ہیں۔