عدم اعتماد آ سکتی نہ گورنر راج لگے گا، قوم الیکشن کی تیاری کرے، شیخ رشید

راولپنڈی : عوامی مسلم لیگ کے سربراہ شیخ رشید نے کہا ہے کہ تحریک عدم اعتماد آ سکتی ہے نہ ہی گورنرراج لگ سکتا ہے، قوم الیکشن کی تیاری کرے، 560 سے زائد سیٹوں پر انتخابات ملکی سیاست کے درودیوار ہلا دیں گے۔

سابق وزیر داخلہ شیخ رشید نے اپنے ٹویٹر پیغام میں کہا کہ حکومت عوام کی حالت پر رحم کرے، رکاوٹیں مت کھڑی کرے، حکومت کو چاہئے کے نواز شریف کو پاکستان واپس بلائے، نواز شریف بیماری کا بہانہ ختم کریں، پاکستان آئیں۔

560سےزائدسیٹوں پرانتخابات ملک کی سیاست کی درودیوارہلادیں گےجوکہتےتھےوہ اسمبلیاں نہیں توڑےگااُن کومنہ کی کھانی پڑی اکیلےعمران خان نےسارےسیاست دانوں کوچت کردیاجواپنےآپ کوگروسمجھتےتھےجوعمران خان کودیوارکےساتھ لگاناچاہتےتھےوه ہی دیواراُن پرگرگئی ہےالیکشن میں ہررکاوٹ حکومت کےگلےپڑے گی

— Sheikh Rashid Ahmed (@ShkhRasheed) December 18, 2022

شیخ رشید نے کہا کہ خیبرپختونخوا میں دو تہائی اکثریت ہے، پنجاب میں سپریم کورٹ کا فیصلہ موجود ہے، تحریک عدم اعتماد آ سکتی ہے نہ ہی گورنرراج لگ سکتا ہے، قوم الیکشن کی تیاری کرے، 560 سے زائد سیٹوں پر انتخابات ملک کی سیاست کے درودیوار ہلا دیں گے، الیکشن میں ہر رکاوٹ حکومت کے گلے پڑے گی۔